الأم إيرينى ومعجزة جميلة جدااااااا

كتبت السيده الفاضله / س . ن - اليونان
تزوجت وسافرت الى اثينا - اليونان للعيش هناك وهناك اكتشف اننى حامل ثم ذهبت لعمل تحاليل وكانت النتيجة سيئة جدا حيث اكدت النتيجة ان هناك عيب فى الطفل وانه سوف يولد بعيب خلقى ولكنهم لايسطيعوا تحديد العيب الا عن طريق اخذ عينه من السائل الذى يوجد حول الجنين وهذه العمليه بها خطر كبير وعلى الطفل حيث توجد نسبة كبيرة انه بعد اخذ العينة ان يتم اجهاض للطفل .
وكنت فى حزن شديد جدا وكنت فى عتاب دائم لتماف ايرينى حيث اننى كنت اتمنى دائما ان انجب فتاة واسميها ايرينى على اسم تماف ايرينى وذهبنا لاكثر من دكتور بالتحاليل والذين اكدوا ضرورة اجراء تلك العملية حيث انه من الافضل فى حالة وجود عيب خلقى عدم الاحتفاظ بالجنين ولكننى رفضت القيام بتلك العمليه وقررت عدم اجرائها وقلت لزوجى دى عطية ربنا لازم نقبلها وكنت دائمة على طلب امنا ايرينى وذهبنا لدكتور اخر والذى قرر انه علينا عمل تحاليل اخرى ويضا كتابة اقرار انه غير مسئول عن اذا كانت النتيجة الثانية للتحاليل مثل الاولى وقررنا الاحتفاظ بالطفل فهو غير مسئول
وقد وافقت على اذلك وقلت اكتب اللى هو عاوزه وفى يوم قبل ذهابى لعمل تلك التحاليل واثناء ذهابى للنوم بكيت وعاتبت امنا ايرينى والعدر والبابا كيرلس وقلت كده برده يا تماف انا نفسى فى بنت واسميها على اسمك اوعى تسيبنى واثناء نومى شعرت بخبطة على اعلى بطنى وظننت انها الطفله وعند ذهابى لتكرار التحاليل وقبل ان يقوم الطبيب بوضع الجهاذ قلت ايدك يا عدرا انتى وتماف قبل ايديه وقام الطبيب بالتحاليل وكانت التحاليل ان الطفله سليمه 100 % ولا يوجد بها عيب وكانت فرحتى كبيرة جدا جدا وكنت اراها على الشاشة تتحرك وقلت للطبيب هى بتتحرك بس انا مش سه بيها خالص فأكد لى الطبيب ان انا مش هحس بيها دلوقتى لسه شويه وقد فاتنى ان اقول انه حين بدأ الكشف ووضع الاشعه على بطنى غير المكان اللى حسيت فيه بالضربه وقال هى لسه ما طلعتش فوق وهنا تأكدت شكوكى ان ربنا سمع صلوات امنا ايرينى واثناء الولادة كنت بنادى عليها وتمت الولادة بسهوله نشكر ربنا وكان الكتور الخاص بى وهو يونانى يبتسم جدااا وكان فعلا فرحان وقال لى دى بجد معجزة خصوصا ان دى اول ولادة وكان مبسوط وقال ربنا كان معاكى
ونشكر ربنا وجت ايرينى بنت جميلة وكان نفسى انزل واعمدها عند تماف فى دير ابو سيفين بس معرفتش لكن علشان ربنا يعرفنى انه عمل معايا معجزة وبرضه مايزعلنيش اتعمدت فى كنيسة ابو سيفين بالاسكندريه علشان بقول لنغسى اعمدها عند ابو سيفين وتماف ايرينى وقد كانت بركة صلوات امنا ايرينى تحافظ علينا وتبارك ايرينى الصغيرة وتكون بنت المسيح ولألهنا المجد والكرامة الى اللأبد . اميــن
شيررررر  ليقرئها الجميع